MEKDEP OKUWÇYLARYNYŇ ARASYNDA BÄSLEŞIKLER GEÇIRILDI
Garaşsyz, baky Bitarap diýarymyzda Hormatly Prezidentimiziň taýsyz tagallasy netijesinde ylym-bilim ulgamynda zehinli ýaşlary ýüze çykarmak üçin ders bäsleşikleri, olimpiadalar yzygider geçirilýär. “Türkmenistanda tebigy we takyk ylmy ugurlara degişli dersleri okatmagy kämilleşdirmegiň Konsepsiýasyny amala aşyrmak boýunça ýerine ýetirilmeli çäreleriň Meýilnamasynda” öňde goýlan wezipelerden ugur alyp, zehinli okuwçylary ýüze çykarmak we höweslendirmek, olary orta mekdepleri tamamlandan soňra ýokary okuw mekdeplerinde okuwlaryny dowam etmeklige ugrukdyrmak, okuw dersleri boýunça bilimlerini çuňlaşdyrmak, bu ugurda umumy bilim berýän mekdepler bilen ýokary okuw mekdepleriniň arasynda netijeli aragatnaşygy ýola goýmak maksady bilen, Türkmen oba hojalyk institutynyň guramagynda ýurdumyzyň umumybilim berýän mekdepleriniň okuwçylarynyň arasynda matematika, fizika, himiýa we biologiýa dersleri boýunça ders bäsleşigi geçirildi. Geçirilen bu bäsleşigiň esasy maksady Garaşsyz Watanymyza, mähriban halkymyza, Türkmenistanyň Prezidentine wepaly, ylymly-bilimli, giň dünýägaraýyşly, ýiti zehinli, ukyply we başarjaň ýaşlary ýüze çykarmakdan ybaratdyr.
Ýurdumyzyň Daşoguz, Lebap we Mary welaýatynyň umumybilim berýän mekdepleriniň gutardyş synplarynyň okuwçylarynyň gatnaşmagynda geçirilen bu bäsleşik Mary welaýatynda 6-njy maýda, Lebap welaýatynda 8-nji maýda, Daşoguz welaýatynda bolsa, 11-nji maýda geçirildi. Düzgünnama laýyklykda okuwçylar degişli dersler boýunça altmyş soragdan ybarat test soraglaryna jogap berdiler. Türkmen oba hojalyk institutynyň mugallymlaryndan düzülen emin agzalary bäsleşige gatnaşan okuwçylaryň ýerine ýetiren işlerini barlap, ýeňijileri yglan etdiler. Emin agzalarynyň gelen netijesi boýunça Daşoguz welaýatyndan matematika dersi boýunça Boldumsaz etrabyndan Arazmyradowa Dürli, Serdarow Kakageldi, Saparmyrat Türkmenbaşy adyndaky etrabyndan Rejepowa Gülöwser, Orunbetow Nuraddin, Köneürgenç etrabyndan Sabirow Sahibjan 1-nji baýrakly orna mynasyp boldular. Fizika dersi boýunça Daşoguz şäheriniň 1-nji orta mekdebiniň okuwçylary Atabaýew Rahmanbek, Gummanowa Nurana, Saparmyrat Türkmenbaşy adyndaky etrabyndan Ödetaganowa Güljemal, Köneürgenç etrabyndan Ismailow Babur 1-nji baýrakly orna mynasyp boldular. Himiýa dersi boýunça Köneürgenç etrabyndan Saparowa Aýnur, Gurbanowa Ogulnur, Şabat etrabyndan Jiýanowa Maftuna, Rozmetowa Sewara, Boldumsaz etrabyndan Ýoldaşowa Akmaral 1-nji baýrakly orna mynasyp boldular. Biologiýa dersi boýunça Boldumsaz etrabyndan Abdullaýewa Dünýägözel, Gylyjow Begenç, Pirnazarowa Jennet, Görogly etrabyndan Kadirowa Aýgözel, Töräýewa Ýulduzhan, Nazarowa Aýlar, Çaryýewa Sähra, Öräýewa Oguljahan, Kasymowa Leýli, Şabat etrabyndan Orazmetowa Feruzabanu, Ihtiýarow Mardan 1-nji baýrakly orna mynasyp boldular.
Bäsleşigiň netijesi boýunça Mary welaýatyndan matematika dersinden Murgap etrabyndan Merdow Mergen, Sakarçäge etrabyndan Orazowa Aýgül, fizika dersinden Sakarçäge etrabyndan Döwranowa Selbi, Batyrowa Upar, himiýa dersinden Garagum etrabyndan Jomartowa Keýik, Murgap etrabyndan Berdiliýewa Läle, biologiýa dersinden Mary şäherinden Rejepowa Güljan, Baýramaly şäherinden Orammadowa Keýik, Sakarçäge etrabyndan Täçdurdyýewa Gözel baýrakly 1-nji orna mynasyp boldular.
Lebap welaýatyndan matematika dersi boýunça Saýat etrabyndan Joraýewa Şemşat, Halaç etrabyndan Annaýew Jomartguly, Türkmenabat şäherinden Matkulow Şatlyk, fizika dersi boýunça Halaç etrabyndan Abdurahmanow Derkar, Nurgeldiýew Gurtgeldi, himiýa dersi boýunça Halaç etrabyndan Rahymgulyýewa Zübeýda, Bazarowa Sülgün, Saýat etrabyndan Arslanowa Aýgül, biologiýa dersinden Çärjew etrabyndan Hudaýberdiýew Didar, Türkmenabat şäherinden Jumaýew Allaýar, Hemraýewa Leýli, Bazarowa Gözel, Berdimyradowa Maral, Dänew etrabyndan Şatlykowa Gülnura ýeňiji boldular.
Şeýle hem mekdep okuwçylaryny ylma ugrukdyrmak, döredijilik ukyplaryny kemal getirmek maksady bilen “Oba hojalyk ylmy: geljek ýaşlaryň elinde” ady bilen ylmy bäsleşik geçirildi. Bu ylmy bäsleşikde Mary welaýaty boýunça Sakarçäge etrabyndan Täçdurdyýewa Gözel, Lebap welaýaty boýunça Çärjew etrabyndan Rustamowa Maýsa, Daşoguz welaýaty boýunça Görogly etrabyndan Garrybaýew Daýanç dagylar öz deň-duşlaryndan tapawutlanmagy başardylar.
Bäsleşikde ýeňiji bolan ýaşlar ylym-bilim ulgamy boýunça ukyp-başarnyklaryny ýüze çykarmak üçin giň mümkinçilikleri döredip berýän Hormatly Prezidentimize özleriniň alkyş sözlerini aýtdylar.
Ýusupbaý ERMETOW,
Türkmen oba hojalyk institutynyň mugallymy.