Dalaşgär - 2021

TÜRKMEN OBA HOJALYK INSTITUTY

2021/2022-nji okuw ýyly üçin aşakdaky hünärler (hünärmen maksatnamasy) we taýýarlygyň ugurlary (bakalawr maksatnamasy) boýunça talyplyga kabul edýändigini yglan edýär:

I. Hünärmen maksatnamasy (býujet esasynda):

  1. Oba, tokaý we balyk hojalygy (hünärler: agronomçylyk; agroekologiýa; tehniki hyzmatyň guralyşy we tehnologiýasy; ýyladyşhana hojalygy; oba hojalyk ekinleriniň seçgisi we tohumçylygy).

II. Hünärmen maksatnamasy (tölegli esasda):

  1. Oba, tokaý we balyk hojalygy (hünärler: agrohimiýa we topragy öwreniş; gidromeliorasiýa; oba hojalygyny mehanizmleşdirmek).
  2. Weterinariýa we zootehniýa (hünär: weterinar lukmançylygy).
  3. Informatika we hasaplaýyş tehnikasy (hünär: maglumat ulgamlary (oba hojalygynda)).

III. Bakalawr maksatnamasy (tölegli esasda):

  1. Informatika we hasaplaýyş tehnikasy (taýýarlygyň ugry: maglumat ulgamlary we tehnologiýalary (oba hojalygynda) (okatmagyň dili iňlis)). Okuwyň dowamlylygy 5 okuw ýylyna (1 ýyl – iňlis dili boýunça dil taýýarlygy, 4 ýyl – bakalawr maksatnamasy boýunça okuw) deňdir.
  2. Maşyngurluşyk (taýýarlygyň ugry: awtomatlaşdyrmak we dolandyrmak (oba hojalygynda)).
  3. Oba, tokaý we balyk hojalygy (taýýarlygyň ugurlary: agroinženerçilik; gidromelioratiw ulgamlarynyň ulanylyşy).
  4. Amaly geologiýa, dag işleri, nebitgaz işi we geodeziýa (taýýarlygyň ugry: ýer gurluşygy we kadastrlar).
  5. Maglumat howpsuzlygy (taýýarlygyň ugry: maglumat howpsuzlygynyň menejmenti (oba hojalygynda)).
  6. Ykdysadyýet we dolandyryş (taýýarlygyň ugurlary: ykdysadyýet we dolandyryş (oba hojalygynda); buhgalterçilik hasaba alnyşy we audit (oba hojalygynda)).

Instituta Türkmenistanyň umumy orta bilimden pes bolmadyk binýatda bilimi bolan, ýaşy 35-den geçmedik raýatlary giriş synaglarynyň netijeleri boýunça bäsleşik esasynda kabul edilýär.

Resmi iş kagyzlary Lebap, Mary, Daşoguz welaýatlarynyň merkezlerinde 2021-nji ýylyň 12 - 25-nji iýuly aralygynda kabul edilýär.

Resmi iş kagyzlarynyň sanawy:

  • bellenilen nusgada rektoryň adyna ýazylan arza;
  • bellenilen nusgadaky sowalnama (anketa);
  • bilimi baradaky resminama (asyl nusgasy);
  • Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;
  • soňky okan ýerinden (işlän ýerinden, harby bölümden) häsiýetnama;
  • 3x4 sm ölçegdäki sekiz sany fotosurat;
  • işleýänler üçin zähmet depderçesiniň tassyklanan göçürmesi;
  • okuw dersleri boýunça mekdep okuwçylarynyň döwlet bäsleşiginiň ýeňijileri‚ halkara bäsleşiklerine gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar.

Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar:

  • şahsy pasportyny;
  • harby şahadatnamasyny ýa-da ýazylyş şahadatnamasyny we ýaşaýan ýeri boýunça harby wekillikden güwähatyny.

Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler.

Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.

Giriş synaglary we okuwa kabul edilmek institutda (Daşoguz şäheri) we Lebap, Mary welaýatlarynyň merkezlerinde aşakdaky möhletlerde geçirilýär:

  • Lebap welaýaty - iýul aýynyň 28-i, 29-y we 30-y günleri;
  • Mary welaýaty - awgust aýynyň 1-2-i, 3-i we 4-i günleri;
  • Daşoguz welaýaty - awgust aýynyň 6-7-si, 8-i we 9-y günleri.

Giriş synaglary aşakdaky okuw dersleri boýunça geçirilýär:

  • hünärler: agronomçylyk; agroekologiýa; ýyladyşhana hojalygy; oba hojalyk ekinleriniň seçgisi we tohumçylygy; agrohimiýa we topragy öwreniş; weterinar lukmançylygy – himiýa, biologiýa, Türkmenistanyň taryhy;
  • hünärler we taýýarlygyň ugurlary: tehniki hyzmatyň guralyşy we tehnologiýasy; gidromeliorasiýa; oba hojalygyny mehanizmleşdirmek; agroinženerçilik; gidromelioratiw ulgamlarynyň ulanylyşy – fizika, matematika, Türkmenistanyň taryhy;
  • taýýarlygyň ugurlary: ykdysadyýet we dolandyryş (oba hojalygynda); buhgalterçilik hasaba alnyşy we audit (oba hojalygynda) – biologiýa, matematika, Türkmenistanyň taryhy;
  • hünärler we taýýarlygyň ugurlary: maglumat ulgamlary (oba hojalygynda); maglumat ulgamlary we tehnologiýalary (oba hojalygynda) (okatmagyň dili iňlis); maglumat howpsuzlygynyň menejmenti (oba hojalygynda); ýer gurluşygy we kadastrlar; awtomatlaşdyrmak we dolandyrmak (oba hojalygynda) – matematika, fizika, Türkmenistanyň taryhy.

Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär.

Okuw dersleri boýunça giriş synaglary döwlet dilinde dilden geçirilýär.

Giriş synaglarynyň tertibinde bellenilen wagtda synaglara esassyz sebäplere görä gelip bilmedikler ýa-da okuw dersleriniň biri boýunça synaglardan geçip bilmedikler soňky synaglara goýberilmeýär.

Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan:

  • soňky 2-3 ýylyň dowamynda ýokary netijeler gazanan we etrap häkimligi tarapyndan degişli hünärlere ýa-da taýýarlyk ugurlaryna hödürlenen kärendeçiler we mülkdarlar;
  • “Bilim hakynda” Türkmenistanyň Kanunynyň rejelenen görnüşinde kesgitlenen düzgünlere laýyk gelýänler peýdalanýarlar.

Türkmen oba hojalyk institutynyň salgysy:
Daşoguz ş., Ruhnama köçesi, 94, tel.: 9-33-92, 9-40-68, 9-38-65.

Türkmen oba hojalyk institutyna 2021-nji ýylda okuwa girmäge isleg bildirýänleriň resminamalarynyň kabul edilişi barada
MAGLUMAT

T/b Hünärmenleri we bakalawrlary taýýarlamagyň ugry 2021-nji ýyl üçin meýilnama Şol sanda
Daşoguz welaýaty Lebap welaýaty Mary welaýaty
Hemmesi: 410 238 91 81
Tabşyrany: 320 182 87 51
I. Türkmenistanyň Döwlet býujetiniň serişdeleriniň hasabyna HÜNÄRMEN maksatnamasyna
1. Oba, tokaý we balyk hojalygy 116 69 25 22
Tabşyrany: 118 65 35 18
II. Tölegli esasda HÜNARMEN maksatnamasyna
1. Oba, tokaý we balyk hojalygy 70 39 16 15
Tabşyrany: 38 17 13 8
2. Weterinariýa we zootehniýa 25 16 5 4
Tabşyrany: 34 22 8 4
3. Informatika we hasaplaýyş tehnikasy 25 17 4 4
Tabşyrany: 31 21 6 4
III. Tölegli esasda BAKALAWR maksatnamasyna
1. Maşyngurluşyk 20 11 5 4
Tabşyrany: 6 2 2 2
2. Informatika we hasaplaýyş tehnikasy 20 11 5 4
Tabşyrany: 14 9 3 2
3. Oba, tokaý we balyk hojalygy 40 18 12 10
Tabşyrany: 9 4 5 0
4. Amaly geologiýa, dag işleri, nebitgaz işi we geodeziýa 24 16 4 4
Tabşyrany: 12 6 4 2
5. Maglumat howpsuzlygy 20 11 5 4
Tabşyrany: 8 5 2 1
6. Ykdysadyýet we dolandyryş 50 30 10 10
Tabşyrany: 50 31 9 10