SCOPUSDA YLMY MAKALA

2023-nji ýylyň noýabr aýynda Türkmen oba hojalyk institutynyň uly mugallymy, oba hojalyk ylymlarynyň kandidaty Batyr Orazgylyjowyň, mugallymlar Tirkeş Balyşewiň, Eziz Rejepowyň, Hemra Döwletowyň we Rahatgeldi Hamydowyň institutynda ilkinji gezek Scopus – ylmy edebiýatyň bitewi bibliografik we referatiw maglumatlar binýadynyň düzümine girýän “BIO web of Conferences” ylmy žurnalynda “Daşoguz welaýatynyň howa şertlerinde gowaçany suwarmakda suw tygşytlamagyň usuly hökmünde akylly ulgamlaryň ulanylyşy” atly ylmy makalasy çapdan çykdy. Makalada häzirkizaman suw tygşytlaýjy ýagyş ýagdyryjy suwaryş usuly arkaly Daşoguz welaýatynyň toprak-howa şertlerinde ekinler suwarylanda bol hasyly we köp mukdarda suwy tygşytlap bolýandygy beýan edilýär.

Ajaýyp zamanada biz ylmy işgärlere işlemäge, döretmäge döredip berýän ajaýyp şertleri üçin Hormatly Gahryman Arkadagymyza, Arkadagly Gahryman Serdarymyza köp sagbolsun aýdýarys.

Gölbaý GYLYŽOW

Oba hojalyk tehnikalaryny ulanmak we abatlamak kafedrasynyň mugallym-öwrenijisi