Sagdyn bedenli ýaşlarymyz – ýagty geljegimiz
Berkarar döwletiň täze eýýamynyň Galkynyşy döwründe, türkmen halky bagtly eýýamyň gujagynda bagtyýar ýaşaýar. Ösüşiň täze belentliklerine tarap öňe barýan häzirki döwrümizde hormatly Prezidentimiz Arkadagly Gahryman Serdarymyzyň ynsanperwer döwlet syýasatynyň netijesinde ýurdumyzda raýatlaryň saglygyny goramak maksady bilen birnäçe işler alnyp barylýar. Şol esasda biziň hem Türkmen oba hojalyk institutymyzda türkmen ýaşlaryna we türkmen türgenlerine uly ynam bildiryärler.
Arkadagly Gahryman Serdarymyzyň köpçülikleýin bedenterbiýäni we sporty ösdürmek, sagdyn jemgyýeti kemala getirmek ýaş nesillerde sporta bolan höwesi artdyrmak babatda döwlet derejesinde alnyp barylýan özgertmeler sport we ýaşlar syýasatynyň ajaýyp miwesidir. Bu ugurda ýetilen üstünlikler institutymyzyň ýaşlarynyň kalplaryny buýsanja besläp, täze-täze yeňişlere ruhlandyrýar. Türkmen ýaşlarymyzyň berk bedenli bolup ýetişmekleri üçin Arkadagly serdarymyzyň taýsyz tagallalary netijesinde uly işleri durmuşa geçirmek bilen Türkmen oba hojalyk intstitutymyzda häzirki zaman sport enjamlary bilen enjamlaşdyrylan talyplar sport kluby hereket edýär. Onuň esasy wezipesi talyplaryň saglygyny berkitmek üçin zerur bolan şertleri döretmekden, sporta bolan höweslerini artdyrmakdan ybaratdyr.
Talyplar sport kluby sagdyn, beden taýdan güýçli, ruhy taýdan kämil ýaş nesliň bilim almagyny ösdürmäge, talyplaryň bedenterbiýä we sporta bolan gyzyklanmasyny ýokarlandyrmaga niýetlenen. Institutymyzyň sport klubynda sportuň dürli görnüşleri boýunça birnäçe türgenleşik işleri we ýaryşlar yzygiderli geçirilýär.
Institutymyzyň talyp türgenleri döwlet we halkara derejesinde geçirilýän ýaryşlara işjeň gatnaşyp, ýaşyl tugumyzy al asmanda parladýarlar.
Institumyzda Türkmenistanyň şanly baýramçylyk senelerine bagyşlanan sport çäreleri yzygiderli geçirilýär. Hormatly Prezidentimiz Arkadagly Gahryman Serdarymyz her bir çykyşlarynda türkmen ýaşlarynyň ýurduň geljegidigini buýsanç bilen belläp geçýär.
Atabek Hallyýew
Maglumat ulgamlary we tehnologiýalary (oba hojalygynda) taýýarlyk ugrunyň 3-nji ýyl talyby