Talyplarymyzyň Halkara himiýa olimpiýadasyndaky üstünlikleri

25-30-njy noýabrda Magtymguly adyndaky Türkmen döwlet uniwersitetinde ýokary okuw mekdepleriniň talyplarynyň arasynda himiýa dersi boýunça III halkara olimpiadasy geçirildi.

Olimpiada Russiýa Federasiýasyndan, Hytaý Halk Respublikasyndan, Ýaponiýadan, Rumyniýadan, Eýran Yslam Respublikasyndan, Türkiýe Respublikasyndan, Belarus Respublikasyndan, Gazagystan Respublikasyndan, Ermenistan Respublikasyndan, Täjigistan Respublikasyndan, Azerbaýjan Respublikasyndan, Özbegistan Respublikasyndan ýokary okuw mekdepleriniň 23-sinden, şeýle hem ýurdumyzyň ýokary okuw mekdepleriniň 21-sinden talyplaryň 220-ä golaýy gatnaşdy.

Bu olimpiada biziň ýokary okuw mekdebimizden hem zehinli talyp ýaşlar gatnaşyp üstünlikli çykyşy etdiler. Ýokary okuw mekdebimiziň talyplary Gidromeliorasiýa hünäriniň 4-nji ýyl talyby Ýazlakow Söýenç, Ýyladyşhana hojalygy hünäriniň 4-nji ýyl talyby Geldyýew Begmyrat, Agroekologiýa hünäriniň 2-nji ýyl talyby Setdarow Söhbet baýrakly 3-nji orny eýelemegi başardylar.

Bahtiýar Saliýew
Türkmen oba hojalyk instutynyň Agrohimiýa we topragy öwreniş kafedrasynyň mugallymy