Gymmatly eser

“Halkara parahatçylyk we ynanyşmak” diýlip atlandyrylan 2025-nji Täze ýyl baýramy Garaşsyz, hemişelik Bitarap Türkmenistan döwletimizde uly dabara bilen bellenilip geçildi. Tamamlanan 2024-nji “Pähim-paýhas ummany Magtymguly Pyragy” ýylynyň dekabr aýynyň ahyrynda Türkmenistanyň Ministrler Kabinetiniň giňişleýin mejlisinde hormatly Prezidentimiz, Arkadagly Gahryman Serdarymyz “Magtymguly – dünýäniň akyldary” atly kitabynyň çapdan çykandygyny mälim etdi. Hormatly Prezidentimiziň täze ýylyň bosagasynda çapdan çykan bu eseri Arkadagly Gahryman Prezidentimiziň mähriban halkyna eden gymmatly täze ýyl sowgady boldy.

Çapdan çykan bu ajaýyp eserde beýik söz ussady Magtymguly Pyragynyň edebi mirasynyň, dünýä medeniýetine goşan ägirt uly goşandy, türkmeniň beýik ogly Magtymguly Pyragynyň 300 ýyllyk toýunyň halkara derejede giňden toýlanmagy baradaky gyzykly maglumatlar çeper beýan edilipdir. Şeýle-de kitapda beýik akyldaryň agzybirlige, dost-doganlyga bolan garaýyşlary, paýhasly ündewleri “Halkara parahatçylyk we ynanyşmak” ýylynda dünýä döwletleri, halkara guramalar bilen ýakyn gatnaşyklarymyzda ýol-ýörelge boljakdygyny subut edýän ündewler beýan edilýär.

Türkmen halkynyň Milli Lideri Gahryman Arkadagymyzyň başlangyçlary bilen alnyp barylýan dürli ugurlardaky toplumlaýyn işleri, doly durmuşa geçirýän, peder ýoluny mynasyp dowam etdirýän Hormatly Prezidentimiziň baştutanlygynda ýurdumyzda taryhy özgertmeleri durmuşa geçirilýändigi halkymyzyň abadan we bagtyýar durmuşynyň has-da rowaçlanýandygyny, ýurdumyzda ýetilen belent sepgitler, gazanylan ajaýyp üstünlikler barada täsirli maglumatlar berilýär.

Hormatly Prezidentimiziň çapdan çykan gymmatly eseri, halkymyz üçin bahasyna ýetip bolmajak sowgat bolandygyny bellemek has-da ýakymlydyr.

Hormatly Prezidentimiz Arkadagly Gahryman Serdarymyzy “Halkara parahatçylyk we ynanyşmak” diýlip atlandyrylan 2025-nji Täze ýyly bilen gutlaýarys, mähriban halkyna sowgat beren gymmatly eseriniň höwrüniň köp bolmagyny, galamynyň ýiti bolmagyny arzuw edýäris.

Orazmyrat ÇANDYROW,
Türkmen oba hojalyk institutynyň mugallymy