“Daşary ýurt dilleri bilen ylma tarap” atly ylmy seminary geçirildi

Garaşsyz, hemişelik Bitarap Diýarymyz bedew batly ösüşleri özüne hemra edinip, baky bagtyýarlyk ýolundan Arkadagly Gahryman Serdarymyz bilen barha öňe barýar. Bilim-ylym ulgamynda hem dünýä nusgalyk işler amala aşyrylýar. Bitarap Türkmenistanyň dünýä ýüzündäki abraý-mertebesi ýurduň ýaş nesliniň daşary ýurt dillerine sowatlylygy bilen hem baglydyr. Şonuň üçin hem ýurdumyzyň ähli ýokary okuw mekdeplerinde iňlis dilini okatmagyň hilini ýokarlandyrmaga we netijeliligini artdyrmaga aýratyn uly üns berilýär.

Şu nukdaýnazardan, Türkmen oba hojalyk institutynda “Dil ruhy hazyna” atly talyplaryň ylmy gurnagynyň “Daşary ýurt dilleri bilen ylma tarap” atly ylmy seminary geçirildi. .

Seminarda birnäçe ylmy gurnaklaryň talyplarynyň çykyşlary diňlenildi. Çykyşlaryň içinde institutyň “Sanly Ykdysadyýet” atly talyplaryň ylmy gurnagynyň agzasy Näzik Myradowanyň çykyşy has täsirli boldy. Ol öz çykyşynda häzirki döwürde ýurdumyzda daşary ýurt dillerini umumybilim berýän mekdeplerinde, orta we ýokary okuw mekdeplerinde iňlis dilini okatmagyň usulyýetini bilim berýän mugallymlar ýokary derejede ulanýandyklaryny belläp geçdi. .

Ýene-de bir täsirli çykyşlaryň biri “Dil – ruhy hazyna” atly talyplaryň ylmy gurnagynyň agzasy Firuza Dosçanowanyň çykyşy boldy. Ol öz çykyşynda ýurdumyzyň dünýä giňişligine aralaşmagy, sebitde we halkara derejesinde syýasy, ykdysady, medeni we ynsanperwerlik gatnaşyklarynda öňdebaryjy orny eýeländigini aýtdy, Türkmen jemgyýetiniň milli we umumadamzat gymmatlyklary esasynda ösmegi, kämilleşmegi ýurdumyzyň raýatlarynyň ene dili bilen bir hatarda daşary ýurt dillerini kämil bilmeklerini talap edýändigini, hormatly Prezidentimiziň parasatly ýolbaşçylygynda ýurdumyzyň milli bilim ulgamynda durmuşa geçirilýän özgertmeler öňde goýlan wezipelere amal ediljekdigine we daşary ýurt dilleri bilen ylma tarap aýdyň ýol bilen gidip biljekdigine güwä geçýändigini belläp geçdi. .

Gahryman Arkadagymyza, Arkadagly Gahryman Serdarymyza ýaşlaryň ylymly bilimli bolmaklary üçin edýän atalyk aladalaryna özümiziň minnetdarlygymyzy bildirýäris. Gahryman Arkadagymyzyň, Arkadagly Gahryman Serdarymyzyň janlarynyň sag, işleriniň rowaç almaklaryny arzuw edýäris. .

Akjagül ATAÝEWA,
Jemgyýeti öwreniş ylymlary kafedrasynyň mugallymy, “Dil ruhy hazyna” atly talyplaryň ylmy gurnagynyň ýolbaşçysy.