YHLASA — MYRAT
Watansöýüji, ýokary ahlak sypatly, ynsanperwer, ylymly-bilimli, giň dünýägaraýyşly, ata-babalarymyzyň ruhy-ahlak ýörelgelerine wepaly ýaşlary kemala getirmek döwletimiziň baş wezipeleriniň biridir. Bu ugurda hormatly Prezidentimiziň taýsyz tagallalary, ýadawsyz zähmeti, döredijilikli, parasatly, ynsanperwer syýasaty bilen ýurdumyzda ýaşlar syýasaty döwlet syýasatynyň ileri tutulýan ugurlarynyň birine öwrüldi. Ýaşlaryň halkymyzyň müňýyllyklaryň dowamynda döreden, asyrlar boýy sünnäläp gelen milli ruhy-ahlak gymmatlyklaryň esasynda terbiýelenmegi, Watanymyzyň ýeten derejesine buýsanýan, jemgyýete wepaly, zähmetsöýer, ylymly-bilimli, ýurdumyzyň hemmetaraplaýyn ösüşine mynasyp goşant goşýan kämil nesilleri terbiýeläp ýetişdirmek hormatly Prezidentimiziň alyp barýan döwlet syýasatynyň möhüm ugrudyr.
Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda döwletiň we jemgyýetiň durmuş-ykdysady, syýasy we medeni durmuşyna ýaşlaryň orny barha giňeýär. Ýurdumyzda ýaşlara we ýaş hünärmenlere uly ynam bildirilýär.
Arkadagly Gahryman Serdarymyzyň ýolbaşçylygynda Garaşsyz Diýarymyzda ýaýbaňlandyrylan ýaşlar syýasatynda ýaşlaryň öz çagalyk arzuwlaryna ýetip, ussat hünärmenler, il-güne gerekli, ilhalar, watansöýiji, ynsanperwer, zähmetsöýer adamlar bolup ýetişmekleri üçin ähli şertler, mümkinçilikler döredilendir. Döredilýän bu giň mümkinçilikler her bir türkmenistanlynyň çagalyk arzuwlaryna ýetmäge şertleri döredýär.
Berkarar döwletiň täze eýýamynyň Galkynyşydöwründe hormatly Prezidentimiziň badalga beren özgertmelerine mynasyp goşant goşýan, il-halkymyzyň ynamyna eýe bolan hünärmen bolup, jemgyýetde öz mynasyp ornumy tapmak, Garaşsyz döwletimiziň mynasyp hünärmeni bolmak höwesi bilen men orta mekdebi tapawutlanan bahalar bilen tamamladym. Çagalyk arzuwlarymyň wysal bilup, maksadymyň myrat tapmagy üçin “Halkara parahatçylyk we ynanyşmak” ýylynda men Türkmen oba hojalyk institutyna resminamalarymy tabşyrdym. “Yhlasa — myrat” diýleni, Berkarar döwletiň täze eýýamynyň Galkynyşy döwrüniň bagtyýar talyby bolmak bagty maňa miýesser etdi. Ýurdumyzda azyk bolçulygyny döretmek, halkymyz üçin dünýä ülňülerine laýyk gelýän ýokary hilli süýt we et önümleriniň bolçulygyny üpjün etmäge mynasyp goşandymy goşmak islegi, ýurdumyzyň haýwanat dünýäsine bolan söýgim bilen men Türkmen oba hojalyk institutynyň Weterinar lukmançylygy hünäriniň talyby bolmak bagtyna eýe boldum.
Institutda okan döwrümde institutda geçirilýän syýasy-jemgyýetçilik, medeni-köpçülik çärelerine işjeň gatnaşaryn. Gahryman Arkadagymyzyň Arkadagly Gahryman Serdarymyzyň özümize bildirýän ynamyny ödäp, ýokary bilimli, ilimize, günümize gerekli hünärmen bolup ýetişerin. Hormatly Prezidentimize çagalyk arzuwlarymyň hasyl bolmagy, maksadymyň myrat tapmagy üçin döredýän ägirt uly mümkinçiliklerine çäksiz sagbolsunlarymy aýdýaryn. Gahryman Arkadagymyzyň Arkadagly Gahryman Serdarymyzyň janlarynyň sag, ömürleriniň uzak, belent başlarynyň aman bolmagyny arzuw edýärin!
Buhgalterçilik hasaba alnyşy we audit (oba hojalygynda) taýýarlyk ugrunyň 1-nji talyby
Garaýewa Çemen